Ofslutende gearkomste fan 't Kristlik Frysk Selskip

Snein 30 desimber 2012 

Dûmny Hinne Wagenaar op 'e preekstoel en Gerrit Breteler sjongt

Mear as 100 jier bestean
Moarn hâldt it Kristlik Frysk Selskip (KFS) nei rom hûndert jier statutêr op te bestean. Mar wy binne bliid dat it wurk fan it KFS fuortset wurdt troch it nij Frysk Oekumenysk Platfoarm, dat wy al op 2 juni 2009 oprjochte hawwe: de 'Stifting Krúspunt'.

Utsetter fan it KFS
Hjoed komme sa'n hûndert belangstellenden byelkoar yn Glinstra State fan Burgum om ôfskied te nimmen fan har 104-jierrige organisaasje. It binne benammen belutsen leden fan it Kristlik Frysk Selskip en fierders bygelyks leden van de kriten fan it KFS en in tal stipers fan Krúspunt; ek Durkje en ik binne hjoed by dizze útsetter fan ús KFS.  

Frysk yn tsjerke wie de minsken in ôfgriis
It middeiprogramma begjint mei in feestlike byienkomst yn Glinstra State. Grytsje Kingma sjongt yn dit middeiprogramma in tal lieten fan Fedde Schurer en ek it 'Halleluja' fan Leonard Cohen.
KFS-foarsitter dr. Liuwe H. Westra sprekt de tiidrede út mei as bysûndere titel: 'Maya’s yn Fryslân: it Kristlik Frysk Selskip op de jongste dei'. Syn rede giet oer it 'Doe', oer it 'No' en oer de 'Takomst' fan de striid foar it Frysk yn tsjerke.
Fansels wurdt de kultuerskok fan de dûmny's Huismans en Wumkes neamd; oer de tiid mear as hûnderd jier lyn dat it Frysk yn tsjerke noch revolúsje, komeedzje en 'fjoer & wetter' wie; doe't it Frysk yn tsjerke de minsken noch in ôfgriis wie.

En hoe is it no?
No - mear as hûndert jier lyn - hawwe wy Fryske Bibels; ek al op it ynternet.
Wy hawwe al jierren lang in Frysk 'Lieteboek foar de tsjerken'.
No wurde de inisjativen fan it Kristlik Frysk Selskip oernommen troch Stifting Krúspunt, want der moat fansels in plak oerbliuwe dêr't it wurk fan it KFS troch giet, want wy libje noch altyd yn in wrâld fan striid foar it ferfryskjen van tsjerke, en ek fan ûnderwiis, polityk en media. Krúspunt stapt yn de wrâld fan it Frysk yn tsjerke; dat Frysk yn tsjerke ris fansels wurdt.

Yn de takomst sjen
Nei de ôfrûne ieu sjogge wy dat it mei it Frysk yn tsjerke net alhiel wurden is wat it wurde soe, mar mei Krúspunt is der no wol in kâns om mei it wurk fan it KFS troch te gean. Wy geane oer nei in nije wrâld, yn in nije tiid.
Dûmny Liuwe Westra:

• "Yn dy oare wrâld leit de takomst fan ús Friezen;
• Kommunikaasje moat net fan wurden wêze, mar fan minsken;
• Wy binne allegearre bern fan ien Heit;
• Sa't it no is, kin it net bliuwe!"

Pakesizzers 
Nei de lêzing fan KFS-foarsitter Westra sprekke twa pakesizzers fan dûmny Sipke Huismans.
"Us pake siet der faak neist", sa seit Sipke Huismans jr., en "myn pake soe der grif bliid mei wêze dat it KFS no omset wurdt yn Krúspunt".
Pakesizzer Dieuwke Rosalina Huismans slút ôf mei poëzy fan har pake Sipke: "De risping komt yn it Himelsk lân".

Histoaryske fiering
Letter op 'e middei geane wy nei de fesperfiering yn de Krústsjerke fan Burgum. Dizze tsjinst stiet ûnder lieding fan dûmny Hinne Wagenaar fan Jorwert. Marieke van der Meer is oargeliste en der wurdt songen troch it Dûbelkwartet ûnder lieding fan Teake Posthuma. Gerrit Breteler sjongt twa lieten mei Johan Bijhold op piano. De ieuwenâlde Krústsjerke fan Burgum sit grôtfol, want der is ek in grut tal Burgumers nei dizze histoaryske fiering kommen.
Wagenaar:

• "Frysk yn tsjerke? It moast net mâlder!;
• De Frysk-kristlike beweging hat hiel wat úteinset; wat is der in wurk ferset;
• Frysk yn tsjerke is gewoan wurden, mar noch net fansels;
• Wy moatte ús no ferhâlde ta oare tiden, dy fan de 21e ieu;
• De tsjerke en it Frysk sitte no yn in krisis, mar krisis kin ek in tiid fan genede wêze;
• Foar alles is in oere, sit net sa yn noed, haw wat mear betrouwen, der binne nije kânsen en útdagings;
• God is de Hoeder en dan kinne wy it loslitte, net te benaud, want God jout it ús;
• Ha betrouwen yn God en stek in ljocht oan yn it tsjuster."

Dat wy hilligje jo namme
Nei de meditaasje fan Hinne Wagenaar sjongt Gerrit Breteler "Foar alles is in oere, foar alles is in tiid".
De gebeden wurde ôfsluten mei it sjongen fan 'Us Heit': "God fan fier en hein ús Heit, wûnder heimnis is jo namme, grut yn krêft en hearlikheid, oant yn alle tiden. Amen".

Noch ien dei en dan is it oer mei it Kristlik Frysk Selskip.
Mar it wurk giet troch; 'oant yn alle tiden'.

"Lit jins wirk oan jins tsjinstfeinten sjoen wurde,

en jins hearlikheit oer hjar bern.

En de ljeaflikheit fan 'e Heare ús God mei oer ús wêze,

en bifêstigje it wirk fen ús hannen oan ús,

ja it wirk fen ús hannen, bifêstigje dat".

Ut Psalm 90: 16-17

Boarne: Bibel, oerset yn de Fryske tael, NBG 1943, Jongbloed Ljouwert

Ynventaris fan it argyf fan it Kristlik Frysk Selskip

Woansdei 21 septimber 2011

It jier 1908 wie it oprjochtingsjier fan it 'Christlik Selskip for Fryske Tael en Skriftekennisse'. Letter is dy namme feroare yn 'Kristlik Frysk Selskip' (KFS). It doel fan it KFS wie fan 'e miet ôf oan de 'emansipaasje fan it reformatoarysk-kristlike folksdiel yn Fryslân en fan de bûten-Friezen'. Der waard striden foar in Frysker takomst foar in Frysker Fryslân.

Hûndert jier letter, yn 2008, ferskynt it boek 'Ynventaris fan it argyf fan it Kristlik Frysk Selskip', skreaun troch Thys van der Veen en útjûn troch Tresoar. It boekje jout in moai oersjoch fan de stikken fan it KFS, dy't bewarre wurde yn Tresoar, it Frysk Histoarysk en Letterkundich Sintrum yn Ljouwert.

It boek begjint mei in ynlieding mei in beskriuwing fan de eftergrûn en plakbepaling fan it KFS, ek yn it fermidden fan oare selskippen dy't har op de kristenminske yn Fryslân rjochten. Dan folget in haadstik oer de oprjochting, de organisaasje en de wurksumheden fan it Kristlik Frysk Selskip fan de ôfrûne ieu. Sa wurdt bygelyks beskreaun dat de Kristlik Fryske Folksbibleteek (KFFB) yn desimber 1934 oprjochte waard, om't der ek yn it fermidden fan it KFS ferlet ûntstie om eigen kristlike Fryske boeken ûnder it folk te bringen. Ta beslút fan dit haadstik skriuwt Thys van der Veen oer de wize fan ynventarisaasje, ferneatiging, omfang en iepenbierheid fan de ynbrochte 8,5 meter KFS-argyf oer de jierren 1908-1996, dy't troch Tresoar tagonklik makke is en wêrfan nei seleksje en ferneatiging sa'n 7 meter argyf oerbleau.

Yn it twadde diel fan dit boek folgje dan lange listen mei de stikken dy't yn it argyf opnommen binne. It begjint mei it Haadargyf fan it KFS mei bygelyks wurklisten, notulen, korrespondinsje, jierferslaggen en stikken oer leden en stipers, kriten en distrikten. Ek oer kontakten, propaganda, jubilea, finânsjes, Bibels en oare útjeften jout de list ynformaasje. Ta beslút folgje stikken oer kampen, priissjongen en tsjerklike oangelegenheden.

Dêrnei folget in oersjoch fan deponearre argyven lykas fan de Fryske Kriten, de Bibelferkeapkommisje 'Net fan Brea allinne', it Boun fan Kristlik Fryske Jongerein, it Kristlik Frysk Nationaal Striidboun en de Kristlik Fryske Parsforiening. Ek fragminten fan persoanlike argyven en foto's en tekeningen lizze yn it argyf. Fierders is der noch in ferskaat oan Dokumintaasje en dan binne der ek noch de flaggen, faantsjes en ek in linnen boadskiptas mei it logo fan it Kristlik Frysk Selskip, allegearre realia fan de 20e ieu.

It is mei tank oan al dy Friezen dy't sa tûk west binne om dit allegearre te bewarjen en it ta einbeslút te skinken oan it KFS en no oan Tresoar dat minsken hjoed en moarn noch allerhande ûndersyk dwaan kinne oer de histoarje fan de KFS, fan in wichtig part fan de skiednis fan Fryslân en fan de Friezen dy't alle war dien hawwe foar it Frysk en de Friezen, yn it ferline, foar hjoed èn foar in Frysker takomst fan in Frysker Fryslân.

Bliid Boadskip no ek wrâldwiid fia ynternet

Woansdei 9 maart 2011

Grut nijs
Sûnt sneon 6 febrewaris 2011 steane de Fryske Bibels op it ynternet. Wrâldwiid kin ‘it Boek fan Heit yn de taal fan mem’ no oeral fia ynternet lêzen wurde, 24 oeren deis. Twa Bibels binne no op it web publisearre. It binne de saneamde ‘Wumkes-Bibel’ (1943) en de mear resinte ‘Nije Fryske Bibeloersetting’ dy’t datearret fan 1978. Jo kinne dizze twa bibelferzjes no fine op de thússide www.biblija.net

Bliid nijs
It wie yn it jier 2008 dat ik as lid fan it Lanlik Berie fan it Nederlânsk Bibelgenoatskip (NBG) in meiwurker fan it NBG ris frege oft it mooglik wêze soe om de Fryske Bibel op it ynternet te setten. Mei in tal oaren wie ik yn dy tiid yn it ferbân fan it Kristlik Frysk Selskip dwaande om it tsjintwurdige Frysk Oekumenysk Platfoarm ‘Krúspunt’ op te rjochtsjen en wy hearden hjir en dêr wol ris dat der ferlet wie fan de Fryske Bibel op ynternet. Dy fraach paste goed yn it motto fan it NBG: ‘Deryn foarsjen dat de Bibel safolle mooglik minsken berikt en oansprekt’, dat it duorre net salang of in lanlike projektgroep fan tige betûfte minsken wie oan it wurk om net ien, mar beide Fryske Bibels digitaal te publisearjen.

Goed nijs
Om’t de âlde bestannen fan de Fryske Bibels net brûkt wurde koenen, binne beide Bibels alhiel scand mei de kompjûter en op ’e nij oerset yn hjoeddeistige tekstbestannen, dêr ’t men tekstbewurkings mei dwaan kin. En no is it safier dat jo de teksten fan beide Fryske Bibels lêze kinne op Biblija.net. Op dit webstek kinne jo net allinnich de komplete Bibel lêze, mar it is ek mooglik om bygelyks fan ferskate bibelferzjes in grut of in lyts part fan de Bibel neistinoar op jo byldskerm op te freegjen. Sa kinne jo bygelyks deselde bibeltekst fan in Fryske, in Nederlânske mar ek in Russyske Bibel fergelykje. In grut tal Bibels yn allerhande talen binne hjir te lêzen. It is ek mooglik om hjir wurden yn bibelboeken te finen, sa kinne jo bygelyks sjen yn hoefolle en yn hokker psalmen it wurd ‘leafde’ stiet.

Ald en Nij nijs
It Alde en it Nije Testamint fan de ‘Wumkes-Bibel’ binne benammen basearre op ’e ‘Statenvertaling’. De mear resinte ‘Nije Fryske Bibeloersetting’ is it risseltaat fan in bysûnder projekt, om’t it de earste bibeloersetting yn Nederlân is dy’t troch gearwurkjen fan protestanten en roomsk-katolieken makke is. Eltse Bibel hat sa syn eigen skiednis, syn rykdom, syn boadskip yn eigen taal en mei in eigen takomst. De âlde en de nije Fryske Bibel steane foar jo klear op Biblija.net dat jo kinne der fuort mei oan ‘e slach.

Wrâldnijs
De Fryske Bibel is tige wichtig foar mannich Fries. Dûmnys yn Fryslân en ek Fryske dûmnys om utens brûke it Fryske Wurd gauris by harren preektarieding. By it meitsjen fan oarders fan tsjinst foar trou- en routsjinsten wurde ek Fryske bibelteksten brûkt. By bibellêzen en by bibelstúdzje kin in ferlykjen fan taalferzjes jo helpe om de Bibel better te ferstean. En as jo yn it bûtenlân op fakânsje binne of jo binne koartlyn of al lang lyn emigrearre, ek dan is Gods Wurd yn ús Fryske taal jo alle dagen fia ynternet deunby. It Bliid Boadskip komt no oeral dêr’t it ynternet tagonklik is. Sa wurdt wiermakke wat it tema is fan it NBG: ‘De Bibel iepen, wrâldwiid’. Fan de Stienzer Dr. G.A. Wumkesstrjitte oant it Nij-Seelânske Wellington. Wat in rykdom! Wa hie dat ea tocht doe’t dizze twa Bibels yn Fryslân ferskynden?

Wol praat op 'e Ledegearkomste fan it Kristlik Frysk Selskip

Sneon 19 febrewaris 2011

It bestjoer fan it Kristlik Frysk Selskip hat ús as KFS-leden útnoege foar de jierlikse Ledegearkomste, hjoed yn De Hege Stins fan Stiens. Krekt mear as tweintich fan de hast 300 leden binne fan'emiddei presint om mei ús ferieningsbestjoer te praten oer it al of net opheffen fan it KFS. Al twa, trije jier prate wy oer it kommende opheffen fan it KFS, no't it Frysk oekumenysk platfoarm 'Krúspunt' de fuortsetting beëaget en wurden is fan it wurk fan it KFS fan 1908-2008. It binne benammen de lêste Fryske kriten dy't it swier fine om it KFS no al op te heffen, en wy wolle sa graach it KFS opheffe as wy der wis fan binne dat alle leden en kriten deroan ta binne en fine dat it wurk fan it KFS op in ferantwurde wize oergien is nei ien of mear oare organisaasjes dy't it Frysk rûnom befoarderje.

Wy binne der noch net, sa docht bliken. Guon leden wize der op dat wy der noch net wis fan binne dat alle doelen fan it karbrief fan it KFS fuortset wurde yn Krúspunt of earne oars. Dat alle wurk fan it KFS op tsjerklik mêd yn goede hannen kommen is fan Krúspunt, is foar alle oanwêzige leden hjoed wol dúdlik, dat gjin noed oer dit wichtige punt. En wy binne it der ek wol oer iens dat it KFS-wurk op it mêd fan ûnderwiis, parse en polityk noch net goed oernommen is troch in oare organisaasje yn Fryslân. Frjemd is dochs dat guon âldere leden der no noch op wiisd wurde moat dat al yn it jier 1981 yn en troch it KFS ôfpraat is dat it KFS in mear beheinde, fersmelde koers farre soe, mei mear klam op tsjinstferliening op tsjerklik mêd, mei benammen moetings, ynspiraasje en útwikseling fan ûnderfinings.

Yn 2003 gie it roer om nei mear konkrete projekten, noch mear nei tsjinstferliening. Stadichoan is it kontakt tusken de ôfdielingsbestjoeren fan de Fryske ledekriten en it haadbestjoer fan it KFS minder wurden en no binne it eins benammen dy lêste kriten dy't fiele dat hja no ferweesd efter bliuwe als harren mem 'it KFS' der aanst net mear is. En ek al prate wy meiinoar al twa, trije jier oer opheffe, wy kinne it net oer ús hert krije en litte dy Krite-freonen falle. Dat nei in lang en ynkringend petear prate wy as wize mânlju en froulju ôf dat de Fryske Krite fan Bitgum ynkoarten mei in útstel by it haadbestjoer komme sil oer op hokker wize it yn harren eagen no fierder kin en moat mei of sûnder it KFS. En dan komme wy yn de iere simmer fan dit jier nochris byinoar om dat útstel te bepraten, om dan it beslút te nimmen om it KFS op te heffen of om it KFS op oare wize, mei in nij bestjoer en mei âlde en/of nije doelen fuort te setten.

Oan 'e ein fan 'e middeigearkomste karre wy de jiersifers fan de feriening oer 201o goed en karre wy ek de KFS-begrutting foar 2011 goed. Om't nei tsien jier bestjoerssit hjoed KFS-skriuwer Willem Noordhuis en KFS-bysitter Adalgard Willemsma (fan it Frysk Bûsboekje) ôfskie nimme as bestjoerders en KFS-lid Pier Boonstra it te mâl fynt dat it hjoed ûntsteane rompbestjoer fan it KFS wat al te lyts wurdt, beneame wy fan herten Pier flak foar it slúten fan de gearkomste noch as ynterim-bysitter foar de moannen dy't it Kristlik Frysk Selskip noch libbet en brûzet.

Bestuursvergadering Stichting Jabikspaad Fryslân

Dinsdag 15 februari 2011

In de Jacobshoeve van medebestuurslid Klaske Wijbenga komen we vanavond als bestuur van de Stichting Jabikspaad Fryslân in Sint-Jacobiparochie bijeen. Nu ons stichtingsbestuur weer op volle sterkte is, stellen we de nieuwe portefeuilleverdeling van de bestuurders vast. Van de uitgeverij weten we dat de verkoop van de routegidsen van het Jabikspaad goed verloopt, zodat we komende zomer aan de slag kunnen met een nieuwe uitgave van waarschijnlijk winter 2011-2012. We stellen vast wie van ons bestuur de stichting zal vertegenwoordigen bij enkele volgende bijeenkomsten van en met verschillende partnerorganisaties van onze stichting.

Een groot deel van de vergadering wordt besteed aan de voorbereidingen voor het openingsweekend van de binnenkort gerestaureerde Groate Kerk van Sint-Jacobiparochie en van het binnenkort daarin te openen Pelgrimscentrum Sint Jacob, dat gehuisvest wordt in het grote voorportaal van de Groate Kerk. Met name de inrichting van dit informatiecentrum en de openingsfestiviteiten van april 2011 komen vanavond uitgebreid aan de orde. We zijn blij dat inmiddels een studenten-projectgroep van Stenden hogeschool is gestart met het opstellen van een marketingplan voor het nieuwe pelgrimsontmoetingscentrum in het bijzonder, van de Groate Kerk en Sint-Jacobiparochie en de gemeente Het Bildt in het algemeen.

Daarna stellen we de inhoud van onze volgende Nieuwsbrief vast. De derde Nieuwsbrief zal deze week worden verspreid onder de relaties van de Stichting Jabikspaad Fryslân en zal tevens worden geplaatst op de website van de Stichting Jabikspaad Fryslân. We besluiten ons als zogenoemde 'Deelnemende Organisatie' aan te sluiten bij Krúspunt, het Friese oecumenische platform, dat de voortzetting is/wordt van het Kristlik Frysk Selskip (KFS). Ook staan voor het eerst de onderwerpen 'Anbi-registratie' en 'Schenkservice' ter oriëntatie op de agenda, want we realiseren ons terdege dat het voor onze stichting - die geen reguliere inkomstenbronnen heeft - van belang is om gebruik te maken van geldende regelgeving, die ook het belastingvrij aan de stichting schenken van grote of kleine geldbedragen mogelijk kan maken.

Door de grote betrokkenheid en de enthousiaste deelname van alle bestuursleden, is de afgesproken vergadertijd voor je gevoel in een zucht voorbij. Op grond van het onderzoek en de goedkeurende verklaring van de Kascommissie verlenen we aan de penningmeester van het stichtingsbestuur nog décharge en dan besluiten we de vier resterende agendapunten in onze volgende bestuursvergadering van maart 2011 de revue te laten passeren. En zo komen we weer aan het eind van deze boeiende bestuursvergadering.

Jiergearkomsten 2010 fan Krúspunt & Kristlik Frysk Selskip

Sneon 29 maaie 2010

Yn de jiergearkomste fan it Kristlik Frysk Selskip (KFS) freegje de ferieningsleden hjoed om it Kristlik Frysk Selskip ankom jier noch net op te heffen. De nije Stifting Krúspunt is noch net folwoeksen en de Kriten binne noch net klear foar it opheffen fan it KFS. It bestjoer fan it Kristlik Frysk Selskip bringt de opheffing net yn stimming en it KFS sil nochris in jier foarút.

Om alve oere is it Reaklif by Warns it begjinpunt fan de spirituele kuier, organisearre troch de Stifting Krúspunt. Krúspunt is it yn 2009 oprjochte platfoarm foar Fryske oekumene en is bedoeld as de fuortsetter fan it wurk fan it mear as 100 jier âlde Kristlik Frysk Selskip. De dielnimmers fan de kuier rinne hjoed tusken de Gaasterlânske greiden fia Skarl nei de Johannes de Dopertsjerke fan Warns. Yn de tsjerke fertelt behearder G. Valk oer de skiednis fan de tsjerke en Hindrik van der Meer bespilet it oargel. Dan giet de kuier nei Laaksum om oer de Iselmardyk wer werom te gean nei it Reaklif.

As de kuierders oan it begjin fan ’e middei yn It Breahûs fan Balk oankomme, iepenet Eelke Goodyk hjir foar de 60 oanwêzigen de earste jiergearkomste fan stifting Krúspunt. De gearkomste begjint mei in meditatyf momint oer “Kuierje mei de Wêzer (God) oer de Slachtedyk”, fersoarge troch bestjoerder Tytsje Hibma. Foarsitter Liuwe Westra presintearret ek de oare bestjoerders fan Krúspunt: Piet Miedema, Douwe Gerbens, Toos Reichman en Warner Veltman.

Dêrnei wurdt de nije webside www.kruspunt.nl offisjeel presintearre en taljochte. In knap stik webwurk is dat fan de websidemakkers Arjen Miedema en Ben Akkerman. Op dizze webside stiet ek al it nije logo fan Krúspunt, dat it resultaat is fan in priisfraach ûnder studinten. De namme fan Matthijs Mol fan Nijegea wurdt bekend makke as priiswinner fan de logo-wedstriid en Matthijs Mol krijt fan de foarsitter de logo-priis útrikt. De sjuery priizget syn moai ûntwerp, dat it wêzen fan Krúspunt as Kristlik Frysk Moetingsplak sa goed sjen lit.

In part fan dizze gearkomste is de jierlikse ledegearkomste fan it Kristlik Frysk Selskip. It bestjoer freget oft de leden der al klear foar binne om it KFS op te heffen en oergean te litten nei de nije stifting Krúspunt. De leden binne noch net ta oan opheffen, sa blykt. Paul Hekstra en Durk van der Schaaf binne fan miening dat Krúspunt noch net de breedte fan it wurk fan it KFS hat. Thom Dijkstra sjocht wol de rykdom oan ynformaasje dy’t Krúspunt jout, mar mist yn Krúspunt noch it moetingsplak dat Krúspunt fral ek wêze wol en noch wurde moat. Pier Boonstra fan de Krite fan Burgum seit dat de Kriten fan Dokkum, Burgum en Bitgum der noch net klear foar binne. It bestjoer fan it KFS is dan sa wiis om it opheffingsútstel yn dizze jiergearkomste noch net yn stimming te bringen. Krúspunt moat noch wat folwoeksener wurde en dan sjogge wy ankom jier oft it KFS wol klear is om op te heffen om dan wol oer te gean nei Krúspunt. Kommende hjerst sil it bestjoer fan it KFS hjiroer yn berie mei har Kriten.

Healwei de middei wurdt wiksele fan lokaasje. Yn de Liudgertsjerke fan Balk folget dan de earste Krúspunt-lêzing, fersoarge troch Hinne Wagenaar, bestjoersadviseur fan Krúspunt. It tema fan dizze lêzing is “Liudger, in Fryske apostel?” Wagenaar warskôget yn it foar dat hy komme sil mei in krityske analyse fan de dieden fan dizze pryster, biskop en letter hillich ferklearre Liudger. Op grûn fan de relaasje fan Liudger mei syn famylje, mei de Fryske lannen en mei de Fryske taal besprekt Wagenaar de wize wêrop in misjonaris as Liudger omgie mei de Fryske taal en kultuer tidens it kerstenjen fan de ynwenners fan de âlde Fryske lannen fan Fryslân, Grinslân en Dútslân.

De earste jiergearkomste fan Krúspunt wurdt op passende wize ôfsletten mei in fesper, ûnder lieding fan Warner Veltman. Yn de fesper wurdt ek it Liudgerliet songen, yn de Fryske oersetting fan de ek oanwêzige Klaas Bruinsma:
"... Sa kinn’ wy as hy ek sjonge fan de Heilân fan de wrâld,
priizgje mei de harp en tonge,
Him dy’t ús foar ’t heil behâldt...”

Nei ôfrin fan dizze fesper kinne de oanwêzigen noch de mânske eksposysje oer Liudger van Douwe Gerbens besjen op de lange rigen panielen dy’t oan beide kanten fan de Liudgertsjerke opsteld binne. It bestjoer, de dielnimmende organisaasjes en de stipers fan Krúspunt sjogge werom op in tige moai programma fan dizze earste jiergearkomste fan de stichting Krúspunt.

De Sillichmakker is berne

Freed 25 desimber 2009 - Earste Krystdei

En de ingel sei tsjin hjarren:
Eangje net,

hwent sjuch,
ik forkindigje jimme greate blydskip dy't it hiele folk sines wêze scil,

dat jimme hjoed de Sillichmakker berne is,
to witten Christus,
de Heare,

yn Davids stêd,

en dit scil jimme in teiken wêze:
jimme scille it berntsje fine yn wynsels biwoelle,
en lizzende yn in krêbbe.

En ynienen kaem dêr mei de ingel in mannichte fen it himelske hearleger,

priisjende God en sizzende:

Eare sij God yn de heechste himelen,
en frede op ierde ûnder minsken fen it wolbihagen.

Boarne:
Lukas 2 : 10 - 14
It Nije Testamint
Ut it Gryksk oerset yn it Frysk fen Dr. G.A. Wumkes
Yn opdracht en ûnder taforsjuch fen it Kristlik Frysk Selskip
Utjefte: Nederlânsk Bibel Genoatskip, 1933

Krúspunt op Radio Middelsé

Tongersdei 25 juny 2009

Radio-omropster Joukje Deelstra fan Radio Middelsé noege my koartlyn út om yn 'e radio-útstjoering fan jûn tusken seis oere en healwei sânen foar in fraachpetear yn 'e studio te kommen. It giet jûn oer de oprjochting fan Krúspunt, it Frysk Oekumenysk Platfoarm, dat de fuortsetting wêze sil fan it Kristlik Frysk Selskip (sjoch myn weblogberjocht fan 2 juny 2009).

Joukje hie yn it Frysk Deiblêd lêzen dat ik út namme fan en as bestjoerder fan 'e Kristlik Fryske Folks Bibleteek (KFFB) ien fan 'e fjouwer oprjochters bin fan Krúspunt, wat har brocht ta it radio-fraachpetear fan hjoed.

It fraachpetear wurdt jûn streekrjocht útstjoerd en wurdt werhelle op sneintemoarn 28 juny 2009 tusken âlve oere en healwei tolven op Radio Middelsé. Yn it radiopraatsje giet it jûn fral oer de wize wêrop as Krúspunt oprjochte is, wêrom't Krúspunt sa wichtich is foar de hjoeddeistige en kommende Fryske oekumene en hokfoar tsjinstferliening Krúspunt fersoargje sil yn 'e kommende jierren.

Radio Middelsé stjoert radioprogramma's út yn it noarden fan Fryslân. It fraachpetear fan jûn mei my yn 'e Stienzer studio is it earste diel fan it radioprogramma "Tsjerke yn Beweging", dat alle tongersdeis en sneins útstjoerd wurdt op Radio Middelsé.

Krúspunt yn Jorwert oprjochte

Tiisdei 2 juny 2009

Wiep Koehoorn tekenet it karbrief, mei Paul Hekstra, Ellert Jongstra en Hinne Wagenaar

Jûn fûn yn ‘e âlde doarpstjerke fan Jorwert de feestlike oprjochtingsgearkomste plak fan Krúspunt, it nij Frysk Oekumenysk Platfoarm, fuortsetting van it wurk fan it Kristlik Frysk Selskip 1908-2008 (KFS).

Op inisjatyf fan de Rie fan Tsjerken yn Fryslân hawwe in grut tal organisaasjes dy’t harren rjochtsje op it befoarderjen en it brûken fan it Frysk yn tsjerke, yn earetsjinsten en dêrbûten yn 2008 in wurkgroep yn it libben roppen. Dizze tariedingsgroep moast der yn foarsjen dat der in nij Frysk Oekumenysk Platfoarm oprjochte wurde soe. Dat platfoarm bringt allerhanne ynformaasje en materiaal byinoar foar elkenien dy’t mear witte wol fan wat der allegearre beskikber is en dêrmei ek foar elk dy’t al it beskikber steld Frysktalig materiaal brûke wol yn en bûten tsjerke.

De mem fan in grut tal hjoeddeistige kristlik Fryske organisaasjes, it KFS, bliuwt noch in lyts tal jierren bestean om Krúspunt as in nij bern fan ‘e famylje grut te meitsjen. As Krúspunt har wurk as Frysk Oekumenysk Platfoarm goed opset hat, wurdt it mear as hûndert jier âlde KFS opheft. Krúspunt is de beëage organisaasje dy’t dan de eigentiidske fuortsetting wêze sil fan it KFS. It ynternet sil foar Krúspunt in wichtige wei wurde wêrmei't alle selsstannich bliuwende, dielnimmende Fryske organisaasjes harren ynformaasje en materiaal meiinoar wrâldkundig meitsje.

Yn it koar fan in folle Jorwerter tsjerke, yn it bywêzen fan notaris Van der Hem fan Jorwert is it karbrief fan Krúspunt op dizze Tredde Pinksterdei ûndertekene troch de fjouwer oprjochters fan Krúspunt: Ellert Jongstra fan it Ferbân fan Fryske Foargongers (FFF), Paul Hekstra fan it Project Hânsume Help, Wiep Koehoorn fan ’e Kristlik Fryske Folks Bibleteek (KFFB) en Hinne Wagenaar fan it KFS.

Nei it passearjen fan de notariële akte wurde de earste bestjoerders fan Krúspunt presintearre oan alle oanwêzigen. De bestjoerders binne Douwe Gerbens út namme fan ’e KFFB, Eelke Goodijk út namme fan ‘e Frysk Oekumenyske Wurkferbannen, Toos Reichman út namme fan ‘e Beriedsgroep Earetsjinst en Tsjerkemuzyk en Warner Veltman út namme fan it FFF. Foarsitter wurdt Liuwe Westra fan it KFS, skriuwer wurdt Tytsje Hibma fan ’e Yntertsjerklike Kommisje foar de Fryske Earetsjinst en ponghâlder wurdt Piet Miedema fan it KFS. Foarsitter Liuwe Westra sprekt nei de ûndertekening syn iepeningstaspraak út.

Nei it skoft fersoarget it Kwartettekoar fan Itens ûnder lieding fan Hindrik van der Meer in blier muzikaal programma as wie it in priuwerij fan allerhanne Frysktalige lieten om nei te harkjen en fral ek om mei te sjongen. Oan ’e ein fan ’e jûn gean de oanwêzigen alhiel optein werom nei hûs. In lyts tal giet yn de betide jûnskimer rinnendewei trocht de fjilden wer werom nei de auto. Hja rinne werom nei de tsjerke fan Leons, dêr’t in grut tal fan de dielnimmers oan it begjin fan de jûn als pylgers oer in part fan it Fryske Jabikspaad rûn fan Leons nei dizze tige slagge oprjochtingsgearkomste fan Krúspunt, yn ’e tsjerke fan Jorwert.

(foto: Pastoar Jan Romkes van der Wal fan Boalsert)

Lêste gearkomste ta oprjochting Frysk oekumenysk platfoarm

Moandei 6 april 2009

Nochris komt ús oprjochtingswurkgroep gear yn Wurdum foar de lêste tariedings ta de oprjochting fan in nij Frysk oekumenysk platfoarm. It Kristlik Frysk Selskip (KFS) wurdt no noch net ûntbûn sa't earder noch it doel wie. De KFS-leden hawwe yn 'e Ledegearkomste 2009 yn Stiens frege om it KFS noch in skoftsje oerein te hâlden, oan't dit nije platfoarm har wearde wier makke hat as fuortsetter fan it wurk fan it KFS.

Hjoed karre wy de lêste feroarings yn it konsept fan it karbrief fan 'e notaris goed. No is ek bekend wa't de earste sân bestjoerders wurde fan it nije platfoarm. En hjoed beslute wy ek wat de nije namme wurdt fan it platfoarm. In wichtige gearkomste, want no binne wy klear om de nije stifting notarieel op te rjochtsjen. Dat it sil no wêze.

Wy hawwe der hjoed net safolle wurk fan om ek fuortendaliks de datum, de lokaasje en it programma fan 'e oprjochtinggearkomste fêst te lizzen. Us skriuwer hat fuort ek al in konsept fan it útnoegingsbrief klear makke, dat it duorret net lang en wy binne klear.

Alle beëage dielnimmende organisaasjes wurde ynkoarten útnoege om oer in tal wiken de feestlike oprjochtingsgearkomste mei de notaris yn ús fermidden by te wenjen. As it programma dat wy op it each hawwe ek sa útfierd wurde kin, sette wy noch foar kommende simmer mei fleur en faasje útein. Fryslân is dan in weardefol platfoarm ryker, wêrfan in soad grutte en lytse organisaasjes mei in kristlike sinjatuer no al oanjûn hawwe dat hja ferlet hawwe fan sa'n fysyk en fral firtueel nij moetingsplak foar Fryske oekumene.

Twee Christelijke organisaties eigentijds in beweging

Zaterdag 28 februari 2009

In de Hoeksteen te Leek woon ik vanmorgen de Regiodag van Regio Noord bij van het Nederlands Bijbel Genootschap (NBG). Als lid van het Regioteam, het Landelijk Beraad en de landelijke Ledenraad is het een goede zaak om hier bij te zijn, omdat dit dè jaarlijkse ontmoetingsplaats bij uitstek is waar beroepskrachten, vrijwilligers, leden en bestuurders hun waardevolle tijd schenken om elkaar ontmoeten.
NGB-Regiocoördinator Henk Ruiter heeft vandaag de leiding; hij opent de bijeenkomst in een liturgische setting en met een aantal zaken van huishoudelijke aard. De opening wordt afgesloten met een sprankelende film waarin wordt getoond dat het NBG een wel heel actieve vrijwilligersbeweging in Nederland is.

Eerste spreekster is Tineke Bol, die een presentatie verzorgt over de in productie zijnde nieuwe "Bijbel in Gewone Taal"; de nieuwe Bijbel die in 2014 gepubliceerd zal worden, in het jaar dat het NBG het 200-jarig bestaan viert. Momenteel wordt hard gewerkt aan een nieuwe Bijbel in gewone, eenvoudige taal, die compleet is en die ook brontekstgetrouw is.
Daarna volgt een podium-interview van Henk Ruiter met kinderboekenschrijfster Liesbeth van Binsbergen, één van de medewerkers van de onlangs door het NBG uitgegeven Prentenbijbel, met prachtige tekeningen van Marijke ten Cate, waarvan vandaag ook enkele tientallen originelen worden geëxposeerd t.b.v. de aanwezigen.

Na de pauze volgt Ruud Blom van het NBG, met een presentatie over het bijbelverspreidingsproject van de NBG in China. In 1986 maakte het NBG het mogelijk dat Bijbels ook in een Chinese drukkerij gedrukt konden worden. China kent "Ja-Bijbels" met vertikaal gezette teksten die veelal door de oudere generatie op en neer worden gelezen èn de meer moderne "Nee-bijbels" met horizontaal gezette teksten die heen en weer worden gelezen. Het NBG is medesponsor van goed bijbelpapier, waarmee in de nieuwe drukkerij in China zo'n 3.000.000 bijbels per jaar kunnen worden gedrukt.
Het ochtendprogramma wordt afgesloten met een vrolijk optreden van zanger-cabaretier Rob Favier ("Muziek met een glimlach").

Dan volgt de middagpauze, alvorens de beide workshopsessies van de middag aanvangen. Voor mij is dat het moment om naar Stiens te vertrekken, omdat ik vanmiddag bij de Voorjaarsbijeenkomst van het Kristlik Frysk Selskip (KFS) wordt verwacht, waar we vanmiddag als Oprichtingswerkgroep van het KFS-PFO van de KFS-leden na een uitgebreide discussie het fiat krijgen om vanuit het KFS een nieuw "Platfoarm Fryske Oekumene" (PFO) [of "Frysk Oekumenysk Platfoarm"] op te richten, dat beoogd is als de gewenste voortzetting van het inmiddels 100 jaar bestaande KFS. Daarmee zal op afzienbare termijn het goeds van vroeger plaats maken voor het beoogde nieuwe Friese goud voor de Friese oecumene van de 21e eeuw.

KFFB-bestjoersgearkomste yn 'e Ljouwerter Kurios-tsjerke

Woansdei 17 desimber 2008

It foltallich bestjoer van de Kristlik Fryske Folks Bibleteek (KFFB) komt hjoed wer gear. Koster frou Dijkstra betsjinnet ús trou lykas de oare kearen, mar no foar it lêst, want nei mear as 30 jier komt in ein oan har kosterswurk yn "har" Kurios-tjserke fan Ljouwert.

Wy binne bliid mei de finansjele stipe dy't ús tasein is fan it Mariënburgfûns. No kinne wy in grut tal studinten fan 'e Kristlike Oplieding ta Learkrêft Basisûnderwiis fan de Stenden hegeskoalle fan Ljouwert yn 'e kunde komme litte mei ús nije Ionabondel, mei as doel dat ek ús Fryske oersettings fan dizze Ionalieten troch dizze studinten yn de kristlike basisskoallen fan Fryslân bekend wurde.

Wy prate oer de feiligens fan ús thússide, oer in nije Fryske oersetting fan in boek fan Elie Wiesel, oer in bewurking fan in âlde KFFB-útjefte, oer in swiere manuskript-beoardieling, oer de jiergearkomste en oer ús meiwurking as útjouwer oan de kommende oprjochting fan in nij Platfoarm foar Fryske Oekumene (PFO), dy't bedoeld is as fuortsetting fan it hjoeddeistige Kristlik Frysk Selkip (KFS). De KFFB stiet fan herten achter dit inisjatyf fan de Rie fan Tsjerken yn Fryslân en sil alle war dwaan om der mei alle oare belangstellende Fryske organisaasjes op eigentiidse wize wat moais fan te meitsjen. Ik bin út namme fan it KFFB-bestjoer op it stuit ôffurdige yn 'e opstartwurkgroep fan it nije PFO en hjoed hat in oare KFFB-bestjoerder har beskikber steld om yn it PFO-oprjochtingsbestjoer in bestjoerssit yn te nimmen as alle plannen foar it PFO trochgeane.

Gearkomste Platfoarm Fryske Oekumene yn wurding yn Wurdum

Tiisdei 11 novimber 2008

Op 4 oktober 2008 organisearren wy as oprjochtingswurkgroep in saneamde Breinstoarmdei foar alle organisaasjes en belutsen minsken dy 't harren dwaande hâlde mei Frysk yn tsjerke, mei Fryske oekumene of bygelyks ek mei Fryske liturgy foar de earetsjinst. Wy binne der tige wiis mei dat safolle minsken op dy sneon nei Stiens kommen binne om meiinoar nei te tinken en meielkoar te praten oer wêr't de Fryske Oekumene ferlet fan hat, fan hokfoar ynformaasje & materiaal de Fryske Oekumene ferlet hat èn fan hokfoar organisaasje ús Fryske Oekumene ferlet hat.

Sûnt dy oktobersneon hawwe wy as provinsjale oprjochtingswurkgroep in wiidweidich ferslach makke fan 'e rike rispinge fan dy dei. Dat ferslach hawwe wy no ek analysearre en der in nij dokument fan makke, dat wy neamd hawwe: "Analyze fan 'e Befinings fan Stiens".

Dy analyze besprekke wy as oprjochtingswurkgroep hjoed fan alle kanten yn ús gearkomste yn 'e Wurdumer Fikarij. Wy sjogge yn dat it goed west hat om dy breinstoarmdei te hâlden. Der blykt yndie in grut ferlet te wêzen fan nije produksjes en fan útwikseljen fan besteand materiaal ta ynspiraasje, spiritualiteit, besinning, foarming, tarissing, oplieding, leare, diskusje en debat. Wy hawwe no ek better foar eagen op hokfoar wize minsken en organisaasjes materiaal en ynformaasje freegje en oanbiede wolle en kinne. De dielnimmers fan dy breinstoarmdei holpen inoar ek tige by it neitinken op hokfoar wize wy dit provinsjaal organisearje kinne en hokker nammen mooglik goed passe by sa'n nije stifting, platfoarm, sintrum of koepel.

Nei dy oktoberdei binne wy der wis fan dat de nije koers fan 'e Fryske Oekumene een breed draachflak hat, dat wy binne no folslein op koers nei in nij "Platfoarm Fryske Oekumene" (PFO), dat nei alle gedachten de de kommende ieu de fuortsetting wurde kin fan it hjoeddeistige Kristlik Frysk Selskip (KFS). It KFS is de mem fan in soad Fryske organisaasjes dy't harren wurk yn Fryslân dogge op it mêd fan tsjerke & leauwen. It KFS nimt as ieuweling (1908-2008) no gelokkich de organisaasjes foar Fryske Oekumene - dy't soks wolle - ûnder de waarme hoede mei yn de kommende ieu. It kommende jier sil een wichtich jier wurde. Mei fjoer & faasje sille wy oan it wurk foar de oekumene fan Fryslân, en foar in part ek dêrbûten.

Alle dielnimmers fan de Breinstoarmdei fan 4 oktober 2008 en oare belangstellenden krije ynkoarten it hiele oktoberferslach mei de byhearrende novimberanalyze. Hja krije ek allegearre ús saneamde Koersbrief, dy't ynformaasje jout oer de koers dy't wy op it stuit foar eagen hawwe. Wy koerse oan op in Platfoarm Fryske Oekumene mei in nij bestjoer dat gearstald wurdt út hjoeddeistige Fryske organisaasjes dy't meiinoar de Fryske Oekumene in waarm hert tadrage. Wa't stypje wol is wolkom.

Breinstoarmdei KFS-Platfoarm foar Fryske Oekumene

Sneon 4 oktober 2008

As Opstartgroep fan boppesteand platfoarm hawwe wy allerhande groepen en yndividuen dy't harren ynsette foar Fryske oekumene útnoege foar de Breinstoarmdei fan hjoed yn De Hege Stins fan Stiens. Wy ferwachten sa'n 30 minsken, mar de opjefte rûn op ta 38 dielnimmers. In soad Frysk-religieuze organisaasjes binne yn harren fertsjinwurdige. Dat liket mar op!

Om tsien oere iepene wy mei de hiele groep dielnimmers liturgysk ûnder lieding fan ús foarsitter dû. Hinne Wagenaar en muzikus Jan Breimer. Trije kear geane alle dielnimmers ûnder myn lieding hjoed yn trije groepen útinoar yn de bysealen ta breinstoarmjen oer ús trije haadfragen.

De earste haadfraach is wêr de Fryske Oekumene ferlet fan hat. Sintraal steane Produksje & Utwikseljen fan Ynformaasje & Materiaal ta Ynspiraasje & Spiritualiteit & Besinning en dêrby foar hokfoar doelgroepen dat wêze kin. Ek giet it yn dizze earste sesje oer Ynformaasje & Materiaal ta Foarming & Tarissing & Oplieding & Leare & Diskusje & Debat.

De twadde haadfraach is fan hokfoar Ynformaasje & Materiaal de Fryske Oekumene ferlet hat. Wy prate dan troch oer op hokfoar wize oanbieders dat oanbiede kinne èn op hokfoar wize fragers dat freegje kinne.

De tredde haadfraach is fan hokfoar organisaasje de Fryske Oekumene ferlet hat. Wy prate oer Yndividuele leden & Organisaasjeleden & Stipers. Wurdt it in selstânnige Stifting, in Feriening of wolle wy in Platfoarm ûnder de hoede fan bygelyks it Kristlik Frysk Selskip (KFS) of fan de Rie fan Tsjerken yn Fryslân. En no al freegje wy ek nei een passende namme, dy't seit wa't wy binne en wat wy betsjutte foar Fryslân en de Friezen. En hoe komme wy oan eigen jild en fûnsen foar dit mienskiplik wurk?

Oan de ein fan 'e middei komme wy nochris byinoar yn de grutte byseal fan De Hege Stins om koart gear te fetsjen wat wy hjoed dien hawwe en op hokfoar wize wy no mei inoar fierder geane. Us liturgyske ôfsluting is wèr yn de tsjerkeseal, wêr't wy inoar ta beslút it prachtige nije Fryske liet as seine inoar tasjonge, dat moarn yn de nije Iona-sjongbundel "Wylde Goes" fan ús KFFB publisearre wurdt yn de Oase fan Drachten. Nei it sûpke, hapke en ôfskie geane dizze och sa belutsen dielnimmers wèr op nei hûs, faaks mei noch de seine fan ús einliet yn 'e holle: "De frede fan 'e greiden wês oer dy, de frede fan mar en lân. Djippe frede mei komme oer dy. Mei Gods frede no groeie yn dy."

Rinne oer it wetter - Fryske Tsjerkedei Snits

Zondag 8 juni 2008

Na Leeuwarden (2000) en Bolsward (2004) wordt de Friese Kerkendag deze zondag gehouden in Sneek. Een groot aantal activiteiten op veel locaties in de Sneker binnenstad en een Slotviering aan het einde van de middag.

Durkje en ik beginnen in de Doopsgezinde Kerk met de workshop “Vrede Nu” van Jan Pronk, voorzitter van het Interkerkelijk Vredesberaad (IKV). Pronk wijst ons erop dat wij onze eigen “comfortactiviteiten” helaas intact houden, terwijl wij zien dat anderen elders in de wereld in armoede, oorlog, geweld en hongersnood daarvan de wrange vruchten plukken. Een andere houding van ons is mogelijk: niet voorbijrijden, maar uitstappen en er tussen gaan staan om de handen uit de mouwen te steken. Pronk: je moet je stem verheffen, want alle kleine activiteiten bij elkaar betekenen druk en dat heeft effect op allerlei terreinen; óók op politici, want die letten goed op de stem van de burger. Het gaat niet om geld, maar om een andere verdeling van je tijd en aandacht. Hij roept studenten op om vooral door te studeren en daarbij altijd door te vragen hoe het echt zit in de wereld, zodat ze later anderen kunnen overtuigen als zij hun stem verheffen. Zorg er dan voor dat je je eigen opinieleider wordt in je eigen werksfeer. Pronk: we moeten naar een ander waardensysteem, naar inclusief denken waar niemand wordt uitgesloten. Niet wij kiezen onze naaste, maar onze naaste kiest mij, doet een beroep op mij om hem/haar te helpen. En Jan Pronk wijst op onze Bijbelse opdracht om ook goede rentmeesters te zijn ten behoeve van “onze naaste later”.

De volgende workshop die we bijwonen is van acteur Henk van Ulsen. In zijn mini-voorstelling “Lopen op geloven aan de hand van Job, Prediker en Psalmen” passeren teksten uit deze Bijbelboeken. Prediker: geschreven als vorming voor jonge mensen, studenten. Van Ulsen sluit uitdrukkelijk aan bij de workshop van Pronk als Van Ulsen poneert dat taal een machtig wapen is. De teksten van Job gaan over Levenskunst: waar komt die vandaan, waar liggen de velden van inzicht? Respect hebben voor je Schepper is levenswijsheid. Ook bij zijn Psalm-23-lezingen (De Heer is mijn Herder), verwijst Van Ulsen weer naar de boodschap van Pronk. Van Ulsen leest Psalmen in de drie zo verschillende vertalingen van Ida Gerhardt, Huub Oosterhuis en Leo Herbergs. Pronk sluit af met de humor van Herbergs: “De heren zijn onze herders, waar zouden we zijn als die herders zelf zouden gaan dwalen? ….. en ze wonen in Den Haag!”

Om 17.00 ûre geane Durkje en ik nei in drokbesochte Slotfiering yn ‘e Snitser Martinitsjerke. Foargongers binne dûmny Hinne Wagenaar en pastoor Leo van Ulden. Yn syn meditaasje nei oanlieding fan it Tsjerkedeitema “Rinne oer it wetter” èn fan Mattheüs 14 wiist Wagenaar ús der op dat Jezus ús allegearre ta help komt, rinnende oer de sé: de swiere krêften om ús hinne: ûnrjocht, geweld en oarloch. Hinne Wagenaar (ek bestjoerslid fan it KFS) fertelt ek dat it hjoed op ‘e dei 100 jier ferline is dat it Kristlik Frysk Selskip oprjochte is. Wagenaar: wy moatte yn dizze tiid fan Friezen en net-Friezen, fan flechtlingen en oare lânferhúzers ûnderweis nei in meartalige tsjerke en wy moatte dan mei allerhande talen yn tsjerke linich omgean: fleurig en kleurig. En Wagenaar slút of mei in herterop: “Rinne oer it wetter nei Jezus as reisgenoat is fantastysk!”

Platfoarm foar Fryske Oekumene yn Wurdum

Woansdei 14 maaie 2008

Yn de Fikary yn Wurdum komme we as oprjochtingsbestjoer foar de twadde keer gear om nei te tinken op hokker wize Fryske organisaasjes dy't dwaande binne mei Frysk yn 'e eretsjinst yn de mande mei it Kristlik Frysk Selskip (KFS) en yn gearwurking mei de Rie fan Tsjerken yn Fryslân in nij platfoarm foar Fryske oekumene gearstalle kinne.

Wy prate oer wêr ferlet fan is yn Fryske tsjerken en yn oare Fryske kristlike organisaasjes en op hokker wize it KFS yn de takomst hjirby bygelyks in licht koördinearjende rol spylje kin.

Foar de simmer wolle wy allerhanne Fryske organisaasjes noegje om kommende hjerst mei ús nei te tinken oer wat yn de kommende jierren foar de Fryske Oekumene, foar it Frysk yn 'e eretsjinst wiis is.

Nei 100 Jier Kristlik Frysk Selskip

Sneon 12 april 2008

Hjoed fiere wy meiinoar it ieufeest fan it Kristlik Frysk Selskip (KFS). Grutsk kinne wy allegearre wêze op de ryke rispinge fan hûndert jier krewearjen foar Frysk yn 'e Earetsjinst, bygelyks: ús Fryske Bibeloersetting, it Fryske Lieteboek foar de Tsjerken, Fryske foargongers, Fryske eretsjinsten, it Fryske Tsjinstboek, de nije Fryske lietebondel "Tuskentiden", alle jierren it Fryske Bûsboekje, folle gjin genôch. Ús oprjochter fan 1908, dûmny Sipke Huismans, hie hjoed grutsk wêze kinnen op dit risseltaat; ek al kin it fansels noch mear en noch better.

Op 'e middei bin ik by de Ledegearkomste, dy't folge wurdt troch de Jubiléumgearkomste yn Tresoar yn Ljouwert. In feestrede fan foarsitter dûmny Liuwe Westra, de oanbieding fan it jubiléumboek "Mei it wiffe skip", de Tresoar-presintaasje fan de Ynventaris fan it argyf van de KFS, de presintaasje fan de nije KFS-lietebondel "Tusken rein en sinne". Trije jonges sjonge in tal lieten út dizze nije Fryske bondel, ûnder muzykale begelieding fan oargelist Olchert Clevering.

En jûn binnen Durkje en ik yn de Fenixtsjerke by de moaie útfiering fan it sjongstik "Jona" fan it Kwartettekoar ûnder lieding fan Hindrik van der Meer. Koartsein, de ganse dei feest mei de blik foarút op nochris hûndert jier.