KFFB-Jiergearkomste 2012

Sneon 19 jannewaris 2013 

Blommen foar skriuwers Rommert Tjeerdsma en Anders M. Rozendal

Iepenje mei fertriet
De Jiergearkomste 2013 fan de KFFB wurdt hjoed hâlden yn de Kuriostsjerke te Ljouwert. Op it momint dat de seal om 14.00 oere hast fol sit, hjit KFFB-foarsitter Johannes Bakker alle KFFB-leden yn de seal wolkom. Bakker iepenet dizze gearkomste mei de earste fersen fan Psalm 37, om't dat de fersen binne dy't ôfrûne woansdei ek lêzen binne yn de routsjinst foar Jurjen Faber fan Wikel, de beëage nije bestjoerder foar de KFFB, dy't ferline wike sa hommels ferstoarn is, noch mar 58 jier âld. "Wês stil foar de Heare", lêst de foarsitter, en nei dizze skriftlêzing betinke wy Jurjen Faber yn in momint fan stilwêzen.

Jierferslach 2012 fan de skriuwer
KFFB-skriuwer Corry Rozendal lêst foar ús it Jierferslach fan de KFFB oer it ôfrûne jier. Rozendal sjocht benammen werom op de útjeften fan 2012 en fertelt oer de promoasje-aksje fan it bestjoer om de nije Fryske bernebibel fan de KFFB rûnom te ferkeapjen. Ek de boekeferkeap op 'e Drachtster Boekemerke wurdt troch Corry neamd.
Oanslutend sjongt Grytsje Kingma trije moaie lieten út de KFFB-dichtbondels fan Atze Bosch:

1. Wetterdripke op reis; út 'Alles op syn tiid'; oer de reis út de bergen nei de see;
2. De Seedyk; út 'Neilêzing'; oer de daam as trouwe wachter sa geef om Fryslân hinne;
3. De útstrûper; ek út 'Alles op syn tiid'; prachtich byldzjend songen, by't libben sei Atze Bosch ris tsjin Grytsje Kingma: "Do hast it michje fleanen leard".

Jierferslach 2012 fan de ponghâlder
KFFB-ponghâlder Corry Rozendal lêst foar ús it Finansjeel Jierferslach fan de KFFB oer it ôfrûne jier. Sy jout in taljochting op de Eskploitaasjerekken 2012, dy't sluten is mei in posityf saldo. Ek mei it fermogen op de Balâns op 1 jannewaris 2013 is fan de min nei de plus gien.
KFFB-foarsitter Johannes Bakker slút dit finansjeel part fan de gearkomste ôf mei de wurden: "Wy binne moai droech oer de feart kommen".

Utjefteplan 2013 fan de karkommisje
KFFB-bestjoerder en lid fan de KFFB-karkommisje Pytsje de Graaf presentearret it Utjefteplan fan de nije KFFB-boeken fan 2013:

• Yn febrewaris it nije boek van Rommert Tjeerdsma: 'Om Doutzen', oer de opkomst fan de NSB, oer goed en ferkeard, en mei in leafdesferhaal;
• Yn maaie it nije boek fan Anders Minnes Rozendal: 'De smaak fan alsem'; oer troch it libben skarreljende jonge minsken, dy't in died stelle wolle.

Oer it septimberboek kin noch neat sein wurde, maar wol wurdt neamd dat is soarchlik is dat der sa'n bytsje manuskripten yntsjinne wurde tsjintwurdich. It bestjoer ropt eltsenien op om in goed manuskript yn te bringen.
De KFFB-skriuwers Tjeerdsma en Rozendal komme nei de bestjoerstafel om mei in lokwinsk en blommen fan KFFB-bestjoerder Dussy Ybema yn it sintsje set te wurden. Ien fan de priiswinners, Rommert Tjeerdsma, sprekt nei ôfrin koart oer syn nije boek.

Grytsje Kingma sjongt 
Foar it skoft sjongt Grytsje Kingma trije lieten fan Atze Bosch:

1. Leafde is it reitsjen; út 'Wylde Goes'; oer: God is dêr't leafde is, want leafde is fan God;
2. Al sil gjin nôt mear rypje op 'e bou; út 'Neilêzing'; in oersetting fan 'Wanneer de vijgeboom niet bloeien zou';
3. Ofskie fan 'e dei; út 'Neilêzing. 

Yn it skoft is der kofje en tee en kinne boeken en CD's kocht wurde fan de KFFB en fan Grytsje Kingma.
Nei it skoft sjongt Grytsje Kingma noch trije lieten fan Atze Bosch:

1. H twa O; út 'Alles op syn tiid', oer buorman-gemikus Germ dy't fan 'e frou mei it H2O foar de dokter komme moat;
2. Yn 'e skurte fan mem; út 'Wylde goes'; mei: 'Wêrst ek hinnegiest sil ik dy moetsje, oant de dea dy berint en dyn libben nij begjint'.
3. De frede fan 'e greiden; út 'Wylde goes'; wy sjonge inoar ta beslút ta: "Djippe frede mei komme oer dy, mei Gods leafde no groeie yn dy".

Nei it omfreegjen slút foarsitter Bakker dizze noflike en literêr-muzikale jiergearkomste.

De KIDS Express is in Fryslân

Zondag 23 september 2012

De 5 caravans van de Kids Express bij de Kurioskerk in Leeuwarden

De tijdmachine van een engel

Op een dag vinden Rob, Esmee en Rachel een caravan in het Van Dongenplantsoen bij hen in de buurt. Ze nemen een kijkje en dan…, dan gaat het mis. De caravan blijkt de tijdmachine te zijn van Ralf. Ralf is een onhandige engel, en heeft de kinderen per ongeluk naar een andere tijd geflitst: naar de tijd van de Bijbel. De kinderen komen in vijf Bijbelverhalen terecht, die wonderlijk genoeg ook iets te maken lijken te hebben met dingen die ze in hun eigen leven meemaken. Dat vinden ze allemaal best bijzonder, maar ze willen ook wel weer terug naar huis! Door mee te reizen in de KIDS Express kun jij ze daarbij helpen.

Kids Express

Vijf caravans met daarin 5 Bijbelverhalen en 15 opdrachten voor kinderen uit groep 6, 7 en 8 van de basisschool. Dat is de Kids Express: een gezamenlijk project van JOP, KerkinActie en het Nederlands Bijbelgenootschap. Kinderen ontdekken in de KIDS Express dat zij het verschil kunnen maken in de wereld om hen heen.

De KIDS Express vertelt over de reis van Rob, Esmee en Rachel door de tijd: van nu naar de tijd van de Bijbel en weer terug. De Bijbelse avonturen van Rob, Esmee en Rachel blijken van alles te maken te hebben met hun eigen leven, in hun eigen buurt.

5 Thema’s

Elke caravan staat voor een ander verhaal uit de Bijbel, en voor een ander thema.

De thema’s zijn:

1. We maken het weer goed: Iedereen maakt ruzie. Hoe doe je dat op een goede manier en… hoe maak je het weer goed?
2. Je hoort erbij: Als je verhuist, kom je ergens terecht waar je niemand kent. Je moet dan helemaal opnieuw beginnen. Hoe doe je dat? En hoe is dat voor mensen die naar een ander land vluchten?
3. Pas op, breekbaar: Ziek zijn hoort bij het leven. Maar het is niet leuk. Hoe zorg je goed voor mensen die ziek zijn? En laat je jezelf wel eens vertroetelen?
4. Feesten: Het leven is een feestje, maar je moet zelf de slingers ophangen. Waarom vieren mensen feest en hoe doen ze dat?
5. Hier ben je thuis: Hoe ziet jouw thuis eruit? Is dat je huis, of zijn dat mensen met wie je in dat huis woont? Het is heel belangrijk om een plek te hebben waar jij je thuis voelt.

Surhuisterveen Leeuwarden Britsum

De Kids Express is deze maand in Fryslân. Afgelopen vrijdagochtend arriveerden de vijf caravans bij de Christelijke Basisschool De Hoekstien in Surhuisterveen. Vrijdagavond zag ik de Kids Express op het kerkplein vóór de Kurioskerk in Leeuwarden. Vandaag is de Kids Express op bezoek in Britsum, waar de 5 caravans worden ingezet bij de Startzondag van de Protestantse Gemeente van Britsum.

De Kids Express komt naar je toe

De Kids Express is te huur voor bijvoorbeeld kerken, scholen en verenigingen. JOP, KerkinActie en het Nederlands Bijbelgenootschap zorgen voor materiaal om het proces goed te begeleiden. Zo kun je met de inzet van vrijwilligers een professionele interactieve tentoonstelling neerzetten. Het is een tentoonstelling die je buurt in beweging brengt.

De Kids Express is een avontuur waarin je ontdekt hoe actueel de Bijbel is.

Bestjoersgearkomste fan 'e KFFB yn 'e Kuriostsjerke

Woansdei 4 novimber 2009

De bestjoersgearkomste fan 'e Kristlik Fryske Folksbibleteek (KFFB) is hjoed op ús fêst plak: de Kuriostsjerke fan Ljouwert. Sintraal stiet hjoed de feestlike jiergearkomste, dy't wy hâlde op 16 jannewaris 2009 yn Tresoar te Ljouwert. De KFFB bestiet oan 'e ein fan dit kalinderjier 75 jier, dat wy sille mei ús leden en mei oare befreone relaasjes feestfiere.

Nei alderhanne ynkommen stikken en meidielings besprekke wy alle teksten, foto's en oare yllustraasjes, dy't yn it "Tinkskrift 75 jier KFFB" opnaam wurde. Fansels moat it hjoeddeistich bestjoer ek gaadlik op 'e foto yn dit Tinkskrift, dat wy hawwe hjoed fotograaf Schaaf fan fotoburo "het Hoge Noorden" noege om in tal fotoportretten fan ús te meitsjes. Bûten it tsjerkegebou en yn 'e tsjerkeseal wurde in tal groepsfoto's en bestjoerdersfotoportretten makke. Sa kinne wy foar ûnder oaren it Tinkskrift in skoft fierder mei resinte foto's fan ús bestjoerders.

Wy prate ôf dat de saaklike gearkomste kommend jier net - lykas oars - op 'e dei fan 'e feestlike jiergearkomste hâlden wurdt, mar dat wy it statutêre part fan de jiergearkomste in moanne letter hâlde. Wy sykje foar de kommende jierren in nije foarsitter, dat wy komme hjoed ta in kandidaatstelling foar de nije foarsitter, dy't de ôfgeande foarsitter Minne Vis opfolgje sil, fan febrewaris 2010 ôf.

Dan meitsje wy it detaillearre draaiboek foar de feestlike gearkomste klear. It wurdt in gaadlik programma mei Fryske pommeranten, mei boekepromoasje en boekeferkeap, mei in ferskaat oan proaza & poëzy en mei twa soarten Frysk-eigen muzyk, dat wy tinke dat wy dizze kear folle mear minsken yn 'e gearkomste hawwe as de foargeande jierren, en no hiene wy de ôfrûne jierren oer it tal leden dat kaam, perfoarst net te kleien. Noch twa bestjoersgearkomsten en dan is it safier: feest!

KFFB-bestjoersgearkomste yn'e Kuriostsjerke fan Ljouwert

Woansdei 2 septimber 2009

De earste bestjoersgearkomste fan 'e KFFB nei de simmerfakânsje fan 2009 is hjoed ek wer yn 'e Ljouwerter Kuriostsjerke. Wy besprekke in ferskaat oan stikken dy't ynkaam binne, lykas útnoegings, resinsjes, subsydzjeperikels en manuskripten.

Wy kinne ek noch in nije stap sette om faaks te kommen ta in nije Fryske bernebibel. It soe moai wêze, it falt net ta, mar wy sille al sjen oft it ús slagget. It grutste part fan de gearkomste prate wy oer it kommende jubileum fan 75 jier KFFB. De wichtichste besprekpunten binne it Tinkskrift, dêr 't wy ús mei dwaande hâlde en fansels de Jubileumfiering, dy't wy hâlde yn jannewaris fan 2010.

Fierders komme noch in tal oare lytse saken op it aljemint, lykas it stypjen fan in sjongdei foar Fryske, kristlike bernelieten èn wy sjogge lykas alle gearkomsten ek nei nije foarmen fan promoasje foar ús boeken en foar de ledeorganisaasje fan ús Kristlik Fryske Folksbibleteek (KFFB).

KFFB-bestjoersgearkomste yn Ljouwert

Woansdei 4 febrewaris 2009

De earste bestjoersgearkomste fan 'e Kristlik Fryske Folks Bibleteek (KFFB) is hjoed yn 'e Kurios-tsjerke fan Ljouwert. De earste gearkomste nei tritich jier sûnder âld-bestjoerslid Coby Laanstra, no't hja yn jannewaris 2009 yn 'e Jiergearkomste ôfskie fan ús nommen hat. Ik wurd beneamd ta twadde foarsitter fan it KFFB-bestjoer, no't Coby ôfgien is. Wy prate hjoed in datum ôf foar Coby har wolfertsjinne ôfskie fan ús bestjoer, yn 't Ponkje fan Wâldsein. Fierder sjogge wy werom op wat allegearre west hat en wat troch ús dien is nei ús foarige gearkomste en wy evaluearje de Jiergearkomste fan 17 jannewaris 2009. Dat wie in boppeslach, fûnen ek ús leden.

Wy beprate in nij manuskript, in al âlder manuskript en de kranteresinsjes oer ús útjeften. Fierder prate wy oer de presintaasje fan trije nije KFFB-boeken en beprate in mooglik nije bewurking fan in bernebibel fan 'e KFFB. In tal jildsaken komme oan 'e oarder, dy't ús by steat stelle moatte om ús nije - ek bysûndere - útjeften fan it 75e besteansjier fan 'e KFFB mooglik meitsje te kinnen. Dy finansjele stipe fan oerheid en fûnsen binne wy nedich om jierliks in tal goede romans en bygelyks dichtbondels, lieteboeken en oare spesjale útjeften út te jaan.

Ta beslút prate wy oer ús ôffurdiging nei it Frysk Boekefeest by gelegenheid fan it 75-jierrich bestean fan "It Fryske Boek". It lêste besprekpunt is in wichtich punt: hoe komme wy wer oan mear leden? Kommend jier wolle wy aksjes fiere om it tal leden ta nimme te litten. Ek yn ús 75e besteansjier is it noch altyd foar ús: "Klim Fleurich Fierder Berch-op" (KFFB).

KFFB-bestjoersgearkomste yn 'e Ljouwerter Kurios-tsjerke

Woansdei 17 desimber 2008

It foltallich bestjoer van de Kristlik Fryske Folks Bibleteek (KFFB) komt hjoed wer gear. Koster frou Dijkstra betsjinnet ús trou lykas de oare kearen, mar no foar it lêst, want nei mear as 30 jier komt in ein oan har kosterswurk yn "har" Kurios-tjserke fan Ljouwert.

Wy binne bliid mei de finansjele stipe dy't ús tasein is fan it Mariënburgfûns. No kinne wy in grut tal studinten fan 'e Kristlike Oplieding ta Learkrêft Basisûnderwiis fan de Stenden hegeskoalle fan Ljouwert yn 'e kunde komme litte mei ús nije Ionabondel, mei as doel dat ek ús Fryske oersettings fan dizze Ionalieten troch dizze studinten yn de kristlike basisskoallen fan Fryslân bekend wurde.

Wy prate oer de feiligens fan ús thússide, oer in nije Fryske oersetting fan in boek fan Elie Wiesel, oer in bewurking fan in âlde KFFB-útjefte, oer in swiere manuskript-beoardieling, oer de jiergearkomste en oer ús meiwurking as útjouwer oan de kommende oprjochting fan in nij Platfoarm foar Fryske Oekumene (PFO), dy't bedoeld is as fuortsetting fan it hjoeddeistige Kristlik Frysk Selkip (KFS). De KFFB stiet fan herten achter dit inisjatyf fan de Rie fan Tsjerken yn Fryslân en sil alle war dwaan om der mei alle oare belangstellende Fryske organisaasjes op eigentiidse wize wat moais fan te meitsjen. Ik bin út namme fan it KFFB-bestjoer op it stuit ôffurdige yn 'e opstartwurkgroep fan it nije PFO en hjoed hat in oare KFFB-bestjoerder har beskikber steld om yn it PFO-oprjochtingsbestjoer in bestjoerssit yn te nimmen as alle plannen foar it PFO trochgeane.

KFFB-bestjoersgearkomste yn Ljouwert

Woansdei 19 novimber 2008

It foltallich bestjoer van de Kristlik Fryske Folks Bibleteek (KFFB) komt hjoed gear yn in seal fan de Kuriostsjerke fan Ljouwert. Wy sjogge werom op it wurk dat wy de ôfrûne wiken dien hawwe. Twa manuskripten komme net troch ús karkommisje. De iene skriuwer hawwe wy spitigernôch al útlein wêrom't net kin en oer in oar manuskript is noch tefolle twifel, dat dêr sil nochris nei sjoen wurde, mar it sil hjir al swier kealje. Mei de boeken dy't al wol yn 'e prizen falle, giet it mei it útjouproses goed. Der komt kommend jier ek in nije Fryske oersetting fan in bekend bûtenlânsk skriuwer.

Fierder prate wy noch oer it Tinkboek foar ús 75jierig jubileum en wy hawwe it programma klear foar ús jierlikse ledegearkomste fan 17 jannewaris 2009. Wy binne wiis mei de muzykgroep dy't dan in optreden fersoarget en mei de sprekker dy't mei in lêzing komt oer ien fan de lêste KFFB-útjeften. Yn de bestjoersgearkomste fan desimber 2008 sil it folsleine programma klear wêze.

KFFB-gearkomste yn de Kurios-tsjerke fan Ljouwert

Woansdei 8 oktober 2008

In mânske wurklist leit hjoed op tafel foar de bestjoersgearkomste fan ús Kristlik Fryske Folks Bibleteek (KFFB). Wy sjogge werom op wat sûnt de foarige gearkomste troch ús bestjoersleden allegearre dien is, lykas it wurk fan ús karkommisje, it oanfreegjen fan subsydzje om ús nije Iona-lietebondel publisearje te kinnen, in nije dichtbondel dy't yn jannewaris 2009 ferskynt en ek ús KFFB-bydrage oan & de evaluaasje fan de Breinstoarmdei oer Fryske Oekumene fan ôfrûne sneon yn Stiens.

Wy prate ek oer it publisearjen fan KFFB-harkboeken yn 'e mande mei in oare organisaasje, oer de ôfsluting fan de Sutelaksje yn Drachten op 18 oktober 2008, oer ús útjefteprogramma fan 2009 en oer de KFFB-jiergearkomste fan 17 jannewaris 2009. En as redaksje presintearje Corry Rozendal, Tialda Dijkstra en ik ús ynhâldlik útstel ta in KFFB-tinkboek dat ferskine sil by gelegenheid fan it 75-jierrich bestean fan 'e KFFB yn desimber 2009.

KFFB-gearkomste yn de Kurios-tsjerke fan Ljouwert

Freed 18 april 2008

Yn de twadde helte fan de middei is ús bestjoersgearkomste fan de Kristlik Fryske Folks Bibleteek, de KFFB. Diskear moat it fanwege syn syk wêzen sûnder ús foarsitter Minne Vis.

Wy ferwolkomje ús nije bestjoerslid Tialda Dijkstra en ek noch ús oankommende skathâlder Corry Rozendal-Boelens, dy't op 'en doer it finansjele wurk en de ledeadministraasje fan ús tsjintwurdige skriuwer/skathâlder Dick Eisma oer nimme sil.

Ús gearkomste giet hjoed fral oer allerhande feroarings yn ús bestjoerlik fermidden dy't yn 2008 en foar in part ek yn 2009 ophannen binne. Hjoed docht ek mar wer dúdlik bliken dat bestjoersleden meastentiids in soad wurk foar de feriening dogge, wat net alle dagen sichtber is, mar wol alle dagen trochgiet. Wy sjogge der meiinoar op ta dat it bestjoerlike en it organisatoryske wurk fan de KFFB sa goed mooglik trochgiet, ek as it minsklik sjoen swier keallet as it troch siik wêzen net mear kin sa as jo dat eins wolle. Mar meiinoar fine wy ek hjoed yn ús gearkommen oplossings, dy 't ús as bestjoer en feriening op passende wize wer fierder troch en fierder yn de tiid bringe.