Sneon 22 jannewaris 2011De Kristlik Fryske Folks Bibleteek (KFFB) publisearre yn 'e simmer fan 2010 de poëzy-bondel ”Waarmte in wurd" fan Anny de Jong. Yn dizze bondel binne 31 fersen sammele, meast koarte gedichten. In part fan dizze fersen hawwe de lêste jierren op Anny de Jong har eigen krystkaarten stien. De measte dêrfan hawwe ek te lêzen west op de jierlikse Fryske skriuwerskalinder. Dy krystfersen binne yn dizze bondel oanfolle mei har hiel persoanlike rougedichten, lykas:
“de dea is om ús hinne
mar dan treft er dy en my yn it moarch
der is gjin ferwin
loslitte is skrieme
en dochs
in rûnte fan leafde
draacht ús fertriet
en ik leau, dêr set ik alles by op
dat de deaden ús foargeane
nei de nije himel en de nije ierde”
De Fryske dichteres Anny de Jong hat de namme yn har gedichten de sombere kant it neist te wêzen. Mar se wiist der lykwols op dat har fersen altiten posityf einigje.
De waarmte wint it fan de kjeld.
It tsjuster moat belies jaan foar it ljocht.
Yn in pear wurden wit sy in gefoel hiel sterk oer te bringen.
Op it wyt-griis-swarte boek-omslach binne de namme fan de dichteres en de titel fan it boekje mei waarme reade letters oanjûn. It omslach is in ûntwerp fan Petra de Jong.
Anny de Jong oer har wurk: “Dichtsjen is dagenlang omrinne mei in idee. Wurden fine, skave
en skrasse oant it rint en op papier stiet wat ik sizze wol”.
De titel fan dizze bondel hat mei de ynhâld te krijen, mar ek mei de klank.
“In gedicht moat ritmysk en sjongsum wêze”, neffens De Jong.
Op side 17 stiet it fers “wurdboek”,
Yn dat fers lêze jo fjouwer wurden mei harren betsjutting, lykas:
“Fertrouwe” is fêste grûn ûnder dreamen witte.
En dan op side 25 in moai sitaat út ien fan de 31 fersen:
“….mei lege wurden komme wy elkoar net yn 'e mjitte
dat wurden ta dieden bloeie
nei fruchten fan fertrouwen groeie”.
As jo dizze fersen lêze en werlêze, fiele jo de waarmte yn har wurden.
Anny de Jongs “Waarmte in wurd” jout jo deistige wurden in noflike waarmte.
Op side 17 stiet it fers “wurdboek”,
Yn dat fers lêze jo fjouwer wurden mei harren betsjutting, lykas:
“Fertrouwe” is fêste grûn ûnder dreamen witte.
En dan op side 25 in moai sitaat út ien fan de 31 fersen:
“….mei lege wurden komme wy elkoar net yn 'e mjitte
dat wurden ta dieden bloeie
nei fruchten fan fertrouwen groeie”.
As jo dizze fersen lêze en werlêze, fiele jo de waarmte yn har wurden.
Anny de Jongs “Waarmte in wurd” jout jo deistige wurden in noflike waarmte.
Geen opmerkingen:
Een reactie posten