Ofslutende gearkomste fan 't Kristlik Frysk Selskip

Snein 30 desimber 2012 

Dûmny Hinne Wagenaar op 'e preekstoel en Gerrit Breteler sjongt

Mear as 100 jier bestean
Moarn hâldt it Kristlik Frysk Selskip (KFS) nei rom hûndert jier statutêr op te bestean. Mar wy binne bliid dat it wurk fan it KFS fuortset wurdt troch it nij Frysk Oekumenysk Platfoarm, dat wy al op 2 juni 2009 oprjochte hawwe: de 'Stifting Krúspunt'.

Utsetter fan it KFS
Hjoed komme sa'n hûndert belangstellenden byelkoar yn Glinstra State fan Burgum om ôfskied te nimmen fan har 104-jierrige organisaasje. It binne benammen belutsen leden fan it Kristlik Frysk Selskip en fierders bygelyks leden van de kriten fan it KFS en in tal stipers fan Krúspunt; ek Durkje en ik binne hjoed by dizze útsetter fan ús KFS.  

Frysk yn tsjerke wie de minsken in ôfgriis
It middeiprogramma begjint mei in feestlike byienkomst yn Glinstra State. Grytsje Kingma sjongt yn dit middeiprogramma in tal lieten fan Fedde Schurer en ek it 'Halleluja' fan Leonard Cohen.
KFS-foarsitter dr. Liuwe H. Westra sprekt de tiidrede út mei as bysûndere titel: 'Maya’s yn Fryslân: it Kristlik Frysk Selskip op de jongste dei'. Syn rede giet oer it 'Doe', oer it 'No' en oer de 'Takomst' fan de striid foar it Frysk yn tsjerke.
Fansels wurdt de kultuerskok fan de dûmny's Huismans en Wumkes neamd; oer de tiid mear as hûnderd jier lyn dat it Frysk yn tsjerke noch revolúsje, komeedzje en 'fjoer & wetter' wie; doe't it Frysk yn tsjerke de minsken noch in ôfgriis wie.

En hoe is it no?
No - mear as hûndert jier lyn - hawwe wy Fryske Bibels; ek al op it ynternet.
Wy hawwe al jierren lang in Frysk 'Lieteboek foar de tsjerken'.
No wurde de inisjativen fan it Kristlik Frysk Selskip oernommen troch Stifting Krúspunt, want der moat fansels in plak oerbliuwe dêr't it wurk fan it KFS troch giet, want wy libje noch altyd yn in wrâld fan striid foar it ferfryskjen van tsjerke, en ek fan ûnderwiis, polityk en media. Krúspunt stapt yn de wrâld fan it Frysk yn tsjerke; dat Frysk yn tsjerke ris fansels wurdt.

Yn de takomst sjen
Nei de ôfrûne ieu sjogge wy dat it mei it Frysk yn tsjerke net alhiel wurden is wat it wurde soe, mar mei Krúspunt is der no wol in kâns om mei it wurk fan it KFS troch te gean. Wy geane oer nei in nije wrâld, yn in nije tiid.
Dûmny Liuwe Westra:

• "Yn dy oare wrâld leit de takomst fan ús Friezen;
• Kommunikaasje moat net fan wurden wêze, mar fan minsken;
• Wy binne allegearre bern fan ien Heit;
• Sa't it no is, kin it net bliuwe!"

Pakesizzers 
Nei de lêzing fan KFS-foarsitter Westra sprekke twa pakesizzers fan dûmny Sipke Huismans.
"Us pake siet der faak neist", sa seit Sipke Huismans jr., en "myn pake soe der grif bliid mei wêze dat it KFS no omset wurdt yn Krúspunt".
Pakesizzer Dieuwke Rosalina Huismans slút ôf mei poëzy fan har pake Sipke: "De risping komt yn it Himelsk lân".

Histoaryske fiering
Letter op 'e middei geane wy nei de fesperfiering yn de Krústsjerke fan Burgum. Dizze tsjinst stiet ûnder lieding fan dûmny Hinne Wagenaar fan Jorwert. Marieke van der Meer is oargeliste en der wurdt songen troch it Dûbelkwartet ûnder lieding fan Teake Posthuma. Gerrit Breteler sjongt twa lieten mei Johan Bijhold op piano. De ieuwenâlde Krústsjerke fan Burgum sit grôtfol, want der is ek in grut tal Burgumers nei dizze histoaryske fiering kommen.
Wagenaar:

• "Frysk yn tsjerke? It moast net mâlder!;
• De Frysk-kristlike beweging hat hiel wat úteinset; wat is der in wurk ferset;
• Frysk yn tsjerke is gewoan wurden, mar noch net fansels;
• Wy moatte ús no ferhâlde ta oare tiden, dy fan de 21e ieu;
• De tsjerke en it Frysk sitte no yn in krisis, mar krisis kin ek in tiid fan genede wêze;
• Foar alles is in oere, sit net sa yn noed, haw wat mear betrouwen, der binne nije kânsen en útdagings;
• God is de Hoeder en dan kinne wy it loslitte, net te benaud, want God jout it ús;
• Ha betrouwen yn God en stek in ljocht oan yn it tsjuster."

Dat wy hilligje jo namme
Nei de meditaasje fan Hinne Wagenaar sjongt Gerrit Breteler "Foar alles is in oere, foar alles is in tiid".
De gebeden wurde ôfsluten mei it sjongen fan 'Us Heit': "God fan fier en hein ús Heit, wûnder heimnis is jo namme, grut yn krêft en hearlikheid, oant yn alle tiden. Amen".

Noch ien dei en dan is it oer mei it Kristlik Frysk Selskip.
Mar it wurk giet troch; 'oant yn alle tiden'.

"Lit jins wirk oan jins tsjinstfeinten sjoen wurde,

en jins hearlikheit oer hjar bern.

En de ljeaflikheit fan 'e Heare ús God mei oer ús wêze,

en bifêstigje it wirk fen ús hannen oan ús,

ja it wirk fen ús hannen, bifêstigje dat".

Ut Psalm 90: 16-17

Boarne: Bibel, oerset yn de Fryske tael, NBG 1943, Jongbloed Ljouwert

Jiergearkomste 2012 fan de KFFB

Sneon 4 febrewaris 2012

KFFB-foarsitter Bakker mei ôfgeand bestjoerder Jacobus Knol

Iepening en betinking

Meastentiids is de Jiergearkomste fan de Kristlik Fryske Folks Bibleteek (KFFB) yn de Fenixtsjerke fan Ljouwert. Mar no’t juster bliken die dat de kachellieding fan dy tsjerke stikken is, hawwe wy de jierlikse gearkomste fan ús Fryske boekeklub yn De Schakel yn it Ljouwerter Camminghabuorren. Foarsitter Johannes Bakker iepenet de gearkomste mei in bibellêzing. Noch foar mei gebed iepene wurdt, betinke wy twa leden fan de KFFB dy’t koartlyn yn desimber 2012, ferstoarn binne en dy’t by’t libben in soad foar de KFFB dien hawwe. Wy betinke Atze Bosch en Dick Eisma. Atze Bosch hat oerset en skreaun foar de KFFB en Dick Eisma - dy’t  ferline jier noch ta earelid beneamd is – hat as bestjoerder (skriuwer en ponghâlder) en als lid fan ‘e Karkommisje in soad wurk ferset; ek bûten de KFFB, foar bygelyks de Afûk. Yn ús fermidden misse wy dy beide KFFB-freonen tige.

Jierferslach skriuwer

It saaklike diel fan de gearkomste wurdt iepene mei it foarlêzen fan it Jierferslach 2011 fan en troch Corry Rozendal-Boelens, sûnt it ôfskie fan Dick Eisma net allinnich ponghâlder, mar ek skriuwer fan it KFFB-bestjoer. Hja docht ferslach oer de 7 bestjoersgearkomsten, oer de nije KFFB-boeken fan 2011, oer de Drachtster Boekemerk, oer de 6.000 KFFB-boekútlienings fan iepenbiere bibleteken, oer de 42 KFFB-boeken dy’t yn 2011 yn Dongeradiel op’e sweef gienen en oer de twa nije bestjoersleden dy’t ree binne om it KFFB-bestjoer fuort te sterkjen. In dúdlik en koart ferslach fan in soad wurk dat KFFB-bestjoerders yn 2011 ferset hawwe. Mei applaus fan de tsientallen leden yn de seal wurdt it bestjoersferslach fan Corry oannommen.

De gitaar by it Boek

Dan harkje wy nei muzyk fan it duo Arjo Osinga (gitaar) & Dries Dalstra (akkordeon), dy’t tusken de saaklike bedriuwen troch in tal lieten sjonge út de nije KFFB-werútjefte ‘De gitaar by it boek’, mei lieten fan Fedde Schurer. Hja sjonge ‘Paradys’ en ‘In spyltúch bin ik yn Gods hân’. Harren sang en muzyk wurdt tige wurdearre.

Jierferslach ponghâlder

Nochris is Corry Rozendal-Boelens oan’t wurd, mei it finansjeel ferslach fan 2011, diskear as ponghâlder fan de KFFB. It ledetal giet mei in hûndert it jier achterút en ús feriening hat noch hast 1400 leden. Mei it ferieningsfermogen binne wy yn 2011 ek achterútgien, mar dan moatte jo ek betinke dat der sûnt koart in prachtige nije bernebibel op de ferkeapplanke leit, dêr’t in soad jild yn ynvestearre is en dy’t de ankommende jierren dizze fermogensdaling hooplik noch finansjeel positiver fuortsette sil. De tiid sil it leare, mar as in soad Fryske húshâldings de moaie KFFB-bernebibel ‘It Heechste Wurd’ keapje sille, komt dat wol goed, tinkt my. De Kaskommisje hat de boekhâlding fan 2011 goedkard en de leden dogge dat ek graach en mei applaus foar Corry als ponghâlder èn foar ús bestjoer.

Utjefteplan 2012

KFFB-bestjoerder Jacobus Knol fertelt as lid fan de Karkommisje dat dy kommisje yn 2011 sân manuskripten beoardield hat. Fan fjouwer âlde manuskripten binne yn twadde lêzing twa oannommen en fan de trije nije manuskripten is ien oannommen, kin ien noch oanpast wurde en is ien ôfkard. Sa kin de KFFB ek yn dit útjeftejier lykas alle jierren wer trije nije romans útjaan. It earste boek wurdt hjoed útjûn en ek feestlik útrikt oan de KFFB-skriuwster Tineke de Jager. Har nije boek ‘De Bosklju’ giet oer de Labadisten fan Waltastate yn Wiuwert. Yn maaie fan dit jier komt in nije misdiedroman ‘De ûntfiering’ út fan skriuwer Lieuwe Pietersen en yn septimber fan 2012 komt de nije roman fan Corry Boelens út, dy’t hannelet oer draachmemmeskip. Alle trije KFFB-romanskriuwers wurde lokwinske mei in knap bosk blommen. En wy binne allegearre bliid mei wer trije nije KFFB-romans dy’t fan’t jier mei niget lêzen wurde sille. Mei dizze trije fêste KFFB-skriuwers sil dat grif goed komme, tinkt my.

Muzyk en Skoft

Foar en nei it skoft sjongt it duo Osinga & Dalstra wer fjouwer lieten: foar it skoft it gefoelige lied ‘Ruth’ en it fleurige ‘David dûnset’ en nei it skoft it gebed ‘Us Heit’ en ‘Garje dy gjin skatten’, mei bygelyks de wurden:

It each, dêrst alles mei besjochste,

is’t lampljocht fan dyn minsklikheid,

It makket út watst tinkst of dochste,

en wat dyn mûle oer it libben seit.

Is dizze lampe skjin en klear,

dan ljochtet hja oer ’t hiele hear.

Mar as it ljocht fertsjustere is,

hoe grut is dan de tsjusternis?

Yn it skoft wurde ek de KFFB-útjeften fan de boeketafel knap ferkocht.

Bestjoersferkiezing

Nei it skoft folget ek de statutêre bestjoersferkiezing. Ofgeand en net werkiesber is Jacobus Knol, dy’t yn de 24 jier fan syn bestjoerssit, en fan syn wurk as lid fan de Karkommisje, en fan syn oersetwurk en fan syn romanskriuwen èn as opmakker fan alle KFFB-boeken in net te beskriuwen grutte bult wurk ferset hat. Foar alles wat Koos dien hat foar de Fryske boekeklub binne net genôch wurden te finen, en hy wurdt mei eare betanke foar syn protte en syn goede wurk foar syn en ús Kristlik Fryske Folks Bibleteek.

Nij ferkiesber as KFFB-bestjoerder binne de twa nijste leden fan de Karkommisje: Pytsje de Graaf (ek wethâlder fan Dongeradiel) en Dussy Ybema (ek dosint Frysk fan de kristlike Pabû fan Stenden Hegeskoalle yn Ljouwert). By akklamaasje-applaus wurde hja beneamd as nije KFFB-bestjoerders.

Omfreegjen en sluting

Yn it omfreegje wurdt noch frege nei it foar de KFFB nije boekebarren fan ‘KFFB-Boek op ‘e Sweef’, ek wol bekend as ‘Book Crossing’; boeken dy’t fan in iepenbiere romte fia ûnferwachte lêzers nei in oare iepenbiere romte sweve en dan ek fia it ynternet te folgjen binne. De KFFB-boeken binne op ‘e sweef gien út it gemeentehûs fan Dongeradiel yn Dokkum wei. Dat, as jo earne op ‘e wrâld yn iepenbiere romtes Fryske boeken sjogge, wit dan dat it faaks swevende KFFB-boeken binne.

Foarsitter Bakker slút de jiergearkomste en de leden prate noch noflik nei, keapje noch in boek by de boeketafel en gean troch in sniewyt lânskip wêr nei hûs.

Lêze en ride

Bûtenút sjogge jo rûnom yn it Fryske lânskip reedriders, mei lange streken en noflik op ‘e sinne oer it glêde iis fan kanalen, fearten, sleatten en marren. Fryslân, ús wetterlân fan thús Frysk lêze en fan fuort bûtenút reedride as it kin.

NBG brengt De Barmhartige Samaritaan in Stenden hogeschool

Maandag 27 oktober 2008

Gisteren was het Nationale Bijbelzondag, de 1e zondag in de Bijbel10daagse van het Nederlands Bijbelgenootschap (NBG). Vandaag - maandag - staat Noord-Nederland in het teken van het Bijbelleesweb. Op meer dan 100 plaatsen in Friesland, Groningen en Drenthe wordt in het kader van de Bijbel10daagse een Bijbelleesavond georganiseerd door de plaatselijke werkgroepen van het NBG in regio Noord.

Vanmorgen word ik gebeld door de voorzitter van de NBG-werkgroep Leeuwarden met het verzoek of ik als lid van het Regioteam Noord van het NBG in verband met haar ziekte vanavond de leiding op me wil nemen van de Bijbelleesweb-avond die zij organiseren in het Auditorium van Stenden hogeschool te Leeuwarden. Ze hebben een prachtig programma georganiseerd, dus ik zeg van harte toe dat programma vanavond te leiden.

Het programma begint met de Bijbellezing: burgemeester Ferd Crone van Leeuwarden leest de gelijkenis van De Barmhartige Samaritaan voor. Daarna vertelt hij kort wat dit verhaal voor hem betekent in zijn politieke werk als burgemeester van Leeuwarden. We zijn vereerd met zijn aanwezigheid en inbreng, vooral ook omdat we weten dat de heer Crone op dat moment eigenlijke zijn gemeenteraadsvergadering had moeten voorzitten. Maar zoals ook ik vanavond vervang, vervangt de Leeuwarder loco-burgemeester tijdens zijn afwezigheid de heer Crone wel even. Na zijn voorlezing en persoonlijke toelichting, spoedt burgemeester Crone zich naar de gemeenteraadsvergadering.

Er wordt vanavond tussendoor samen ook gezongen, onder pianobegeleiding van de Stienser organist/pianist Han Giesing. Stenden-collega Giny Lettinga verzorgt de hele avond alle audio-visuele ondersteuning op voortreffelijke wijze. Met muziek, Powerpointpresentaties, geluidsweergave, podiumgebruik en film zorgen Han en Giny samen voor een aantrekkelijke presentatie, in dit avondprogramma waarin heel veel variatie zit.

Dr. Bernard Smilde leest dezelfde gelijkenis nu in de Friese taal voor en verzorgt daarna met zijn grote kennis en inzicht een mooie meditatie over de betekenis van dit bekende Bijbelverhaal.

Vervolgens zijn de studenten van Stenden hogeschool van de opleiding Creatieve Therapie aan de beurt. Zij hebben in samenwerking met de studentenpastores Rein Veenboer en Eerde de Vries van Expect Leeuwarden een mooie dramaproductie gemaakt, waarin ze in een tv-setting van De Lama's uitbeeldingen tonen van (on)barmhartigheid en van (on)juist omgaan met je naaste. Direct daarna groeit achter in de zaal een Babylonische spraakverwarring, waarbij de gelijkenis nogmaals wordt gelezen, maar dan simultaan in het Nederlands, Chinees, Fries, Duits, Gronings, Indonesisch en het Engels.

Het programma wordt afgesloten met een film van het NBG over het nieuwe NBG-project tot Bijbelverspreiding in China. Chinezen kunnen tegenwoordig in sommige Chinese kerken in enkele grotere steden wel een Bijbel kopen, maar die zijn voor de miljoenen christenen in China - vooral voor de bewoners van het platteland - veel te duur. Het NBG sponsort deze Bijbels, zodat ook de niet kapitaalkrachtige christenen in China inmiddels een eigen Bijbel kunnen kopen. Voor hen een groot(s) bezit!

Aan het eind van de avond hoor ik dat één van onze Chinese studentes die ook meewerkt vanavond, vertelde dat zij in China precies zo'n op deze NBG-film vertoonde Bijbel had en thuis gebruikte. Daarmee onderstreept ze dat het werk van het NBG in China nu al zichtbaar wordt en is.

Dan is het ook heel passend als iets later op de avond blijkt dat we gezongen het programma afsluiten met het prachtige Gezang 330 in de bewoordingen van onze Friese dichter Fedde Schurer, waarin onder andere staat:

"Gemeente, aan wier aardse handen dit hemels woord is toevertrouwd,
o draag het voort naar alle landen, vermenigvuldigd duizendvoud".